Өнгөрсөн оны дүнгээр World Press Photo гэх хамгийн нэр хүндтэй олон улсын гэрэл зургийн уралдааны ялагчид тодорлоо. Шилдэг гэрэл зургаар Америкийн гэрэл зурагчин Жон Стэнмейерийн «Дохио» гэсэн гэрэл зураг тодорсон байна. Уг зурагт Жибутийн ойролцоо байгаа африкийн дүрвэгсэд буужээ. Бостоны марафон дээрх дэлбэрэлт, Филиппинийг дайрсан далайн хар шуурганаар амьд үлдэгсэд, Сирийн иргэний дайн ба Оросын Утришийн нудистуудын зургууд шагналтнуудын дунд байгаа.

“Хайян” шуурганаар амьд гарагчдын Толос сууринд мөргөл үйлдэж байгааг буулгасан France-Presse агентлагийн гэрэл зурагчин Филиппе Лопезийн энэ зураг “Халуун мэдээ”  ангиллын нэгдүгээр байранд оржээ.

VII агентлагт ажилладаг Америкийн гэрэл зурагчин Жон Стенмейер, National Geographic сэтгүүлийн захиалгаар Жибутийн эрэгт байгаа африк дүрвэгсдийн зургийг авчээ. “Дохио” гэх зурагт байгаа дүрвэгсэд Сомалиас гар утсаараа сулхан дохиог барихыг оролдож байна. 2013 оны хоёрдугаар сард зургийг авсан байв.

Италийн Алессандро Пенсо энэ зургаараа “Гол мэдээ” номинацийн нэгдүгээр шагналыг авлаа. Грек, Турктэй хиллэдэг Болгар орон одоо эдийн засгийн хямралтай учраас Сирийн дүрвэгсдийн урсгалд бэлэн биш байна. София хотын ойролцоох дүрвэгсдийн түр лагерьд уг зургийг авсан байв.

“Гол мэдээ” ангилалын хоёрдугаар байранд нь Төв Африкийн Бүгд найрамдах Улсын Банга хотын жагсаалын зургийг авсан Францын гэрэл зурагчны Уильям Даниелс-ийн бүтээл  шалгарлаа.

Дамаск хотын Айн-Тарма районд хийгдсэн танкийн довтолгоонд өртсөн босогчдын тухай Сербийн гэрэл зурагчин Горан Томашевичийн авсан цуврал зургууд “Халуун мэдээ” ангилалд тэргүүлэв.

Кенийн Найроби хотын «Вестгейт молл» худалдааны төвд террористууд довтлох үеэр нуугдсан хүүхдүүдийн хамт байгаа эхийн зураг  орсон цувралыг «Нью-Йорк Таймс» сонины гэрэл зурагчин Тайлер Хикс хийсэн байна. Тэд тусгайнхан террористуудтай байлдахаас өмнө эсэн мэнд зугтаж чадсан байв. Хиксийн цуврал зургууд “Халуун мэдээ” ангиллын хоёрдугаар байрыг эзэлжээ.

Мексикийн  Кристофер Ванегас “Орчин үеийн асуудлууд” ангиллын гуравдугаар байранд шалгарлаа. Мексикийн Салтилло хотод хоёр цогцос гүүрнээс дүүжлээстэй, гурван цогцос нь газарт  унасан хэргийн газар цагдаагийнхан ирэх үеэр тэр зургаа хийжээ.

АНУ-ын Ланкастер хотын гэр бүлийн хүчирхийллийг харуулсан цуврал зургууд ыг Сара Наоми Левкович хийсэн ба тэр нь “Орчин үеийн асуудлууд” ангилалд  тэргүүн байр эзэллээ.

Германы Юлиус Шранкийн зурагт “Качиний тусгаар тогтнолын арми” гэдгийн дайчин нэгэн даргыгаа оршуулсны дараа дуу хуур, архи дарстай үдэшлэг зохиосон нь буусан байв. Энэ зураг “Өдөр тутмын амьдрал” ангилалд тэргүүлжээ.

“Өдөр тутмын амьдрал” ангиллын тэргүүн шагнал авсан Сальвадорын Фред Рамосын зурагт Анопа тариалангийн талбайд сураггүй болсон эмэгтэйн хувцас буусан байна. Хүчирхийлэл гарсныг хувцас гэрчилж буй.

Польшийн  Шчирке гэх  уулын  цанын баазад хийгдсэн Анджей Григелийн зураг “Спорт” ангилалд  хоёрдугаар байр эзлэв.

Адалаида хотноо болсон Австралийн аваргын тэмцээний үеэр 100 метрт бариандаа орж буй Дэниэль Арнамнартын энэ зургийг Куин Руни авсан ба тэрээр “Спорт” ангилалд гуравдугаар байранд оржээ.

Долоон төрөлтийн тамирчин, хорт хавдраар өвчилсөн Надя Касадиаг ээлжит эмчилгээнд орохын өмнөх үеийг харуулсан Шведын гэрэл зурагчин Петер Хольгерсоны зургууд “Цуврал гэрэл зураг” ангилалд түрүүлжээ.

ӨАБНУ-ын экс ерөнхийлөгч Нельсон Манделагийн биеийн байдлын талаар  мэдээ сонсож буй энэ эмэгтэйг Германы Маркус Шрайбер зурагтаа буулгасан ба тэрээр “Хөрөг” ангилалд тэргүүн байр эзлэв.

Австрийн Меркенбрехтс тосгоны Ханна, Алена гэх эгч дүү хоёрын зуврал зургуудаараа Голландын гэрэл зурагчин Карла Когельман “Хөрөг” ангилалд нэгдүгээр байр авчээ.

Өмнөд Африкийн Брент Стиртон “Хөргүүд” ангилалд тэргүүлэв. Тэрээр Баруун Бенгалийн Вивеканандын асрамжийн газрын хараагүй альбинос хөвгүүдийг зурагтаа буулгажээ.

Эхийн хамт зургаа татуулсан бие бялдарын урлагаар хичээлдэг египет залуу Алигийн цуврал зургийг авсан Францын гэрэл зурагчин Дэни Дейо “Хөргүүд” ангиллын хоёрдугаар байрыг эзэлжээ.

”Байгаль орчин” ангилалд Германы Кристиан Зиглер гуравдугаар байрыг  авчээ. Түүний зурагт Ардчилсан Конго улсын үндэсний дархан газрын таван настай бонобо бич буужээ.

Лос-Анжелесийн Гриффит-паркийн зөргөөр явж буй Пума барсын зургийг авсан Стив Уинтер “Байгаль орчин” ангилалын тэргүүн байранд шалгарлаа.

Оросын гэрэл зурагчин Никита Шохов, Утришийн нудистуудын зургаар “Зохион байгуулагдсан хөрөг” ангилалд гуравдугаар байр эзлэв.

Амстердам хотноо хоёрдугаар сарын 14-ний өдөр энэ нэр хүндтэй уралдааны шагналтнууд шагналаа гардан авчээ.