Нийслэлийн Багануур дүүргийн дөрөвдүгээр хороо Хэрлэн голын салаанд машин усанд боогдсон гэсэн дуудлага өнгөрөгч баасан гаригийн 13:10 цагт нйислэлийн Онцгой байдлын газарт ирсэн байна. Дуудлагын дагуу Багануур дүүргийн аврах гал унтраах 64 дүгээр ангийн дээд түрүүч Д.Догмидбаяраар ахлуулсан 11 хүний бүрэлдэхүүнтэй ГАЗ-66 БРА 90-71 улсын дугаартай автомашинтай очсон байна. Аврах бүлгийг очиход  Хэрлэн голын салаа “Бүрэг эрэг” гэдэг газар Ланд-80 загварын суудлын автомашин голын салаанд сууж гарч чадахгүй байсан байна. Аврагчид уг машинд явсан 22 настай, гурван эмэгтэй, 23 настай, гурван эрэгтэйг уснаас гаргаж, аюулгүй болгосон байна.

П.Наран