Сонирхогчдын боксын насанд хүрэгчдийн улсын аварга шалгаруулах тэмцээн /УАШТ/ саяхан болж өндөрлөсөн бол өнөөдрөөс залуучуудын ангиллын УАШТ Спортын төв ордны А зааланд эхэллээ.

Энэ удаагийн залуучуудын УАШТ-ийг Ази тивийн хошой аварга, Монгол Улсын Гавьяат тамирчин Х.Алтанхуягийн нэрэмжит болгон явуулж байна.  Тэмцээнд нийслэл болон орон нутгийн 23 байгууллагын 121 тамирчин эрэгтэй ес, эмэгтэй зургаан жинд өрсөлдөж байна. Тэмцээн хоёрдугаар сарын 11-16-ны хооронд үргэлжилнэ.  Залуучуудын УАШТ-д амжилттай оролцсон тамирчдаас сонгон шалгаруулж, ирэх тавдугаар сард Болгарт болох залуучуудын ДАШТ, Хятадын Нанжинд болох Азийн аваргад өрсөлдүүлнэ.