“Fantastic production”, “F-studio”-ийн бүтээл “Аз жаргалын шок” инээдмийн уран сайхны кино  маргааш буюу энэ сарын 12-нд нээлтээ хийх гэнэ. Уг киноны зохиолч ,найруулагчаар УДЭТ-ын жүжигчин Б.Тамир, продюсероор Н.Баяраа, С.Сарантуяа нар ажилласан бөгөөд гол дүрүүдэд М.Баярбат, Б.Одончимэг нар тоглож, Г.Золбоот, Ж.Оюундарь, Б.Навчаа, Б.Отгонбат, Э.Алдар, М.Бадамцэцэг, Б.Батсайхан, Ш.Жавхлан, О.Отгонбат, Б.Барслхагва нар туслах дүрүүдийг бүтээжээ.  Киноны нээлтийн үеэр урлагийн гэр бүлээс төрсөн бүх хосууд оролцох ажээ. Харин 15:00 цагаас “Өргөө” кино театрт хамтлаг дуучид, DJ нар оролцохоос гадна бартендр шоу үзүүлбэр зэрэг олон сонирхолтой хөтөлбөр кино сонирхогчдыг хүлээж байна.  Хосууддаа сонирхуулахад 12,13-ны өдрүүдэд хүрэлцэн ирж үзсэн бүх хосуудад дэлхийн алдартай шокладны бренд “Guylian” брендийн наборны цуглуулгыг бэлэглэх ажээ.