Холливудын кинонд тоглох урилга хүлээж аваад байгаа гэх жүжигчин Б.Амарсайхан олны анхаарлыг татсаар. Түүнийг “Нэтфликс” компанийн санхүүжилтээр бүтээх “Марко Поло” кинонд тоглох гэж байгаа тухай мэдээллүүд саяхнаас олон нийтэд ил болсон юм. Уншигчдын хүсэлтээр түүнээс илүү дэлгэрэнгүйг мэдээлэл авахаар холбогдсон ч Холливудад уригдаад буй жүжигчин маань тун товчхон хариулт өглөө.

-Таныг Холливудад уригдсан талаар өөрөөс нь дэлгэрэнгүй мэдээлэл авах гэсэн юм?

-Онлайн мэдээллийн сувгуудаар угаасаа тарчихсан байгаа биз дээ. Уншаагүй юм уу?

-Тэр мэдээллийг баталгаажуулах гээд ярьж байна. Зарим хүмүүс эргэлзэж байж болох юм?

-Юу гэж л худлаа мэдээлэл байхав дээ. Үнэн.

Ингэж хэлээд, хөдөө ажилтай яваагаа тайлбарласнаар жүжигчин Б.Амарсайхан утсаа салгав. Ямартай ч Холливудад хөл тавихаар болж буй түүнд баяр хүргэе.