Сангийн дэд сайд асан Ч.Ганхуяг үе үе сөрөг хүчний байр суурьнаас асуудалд шүүмж­лэлтэй ханддаг болжээ. Сайн эдийн засагч, “Хас” банкийг үүсгэн байгуулагч гэдгээрээ о­лон нийтэд эртнээс танигдсан ч улс төрд харин “од” муутай яваа нэгэн. Хэдий Сангийн дэд сайдын албыг төвөггүйхэн авч чадсан ч сонгуульд ялагдал хүлээ­сэн, талхны үнэ мэддэггүй гээд эвгүйгээр нэг бус удаа хэлүүлсэн нь бий. Төрийн ордны зүг намын нөхдийн хамт салаавч гаргаж дэггүйтсэн ч өөрөө эргэж уучлал гуйж бүтэлгүйтэж байлаа. Гэвч тэрбээр хаширсангүй, эдийн засагчийн хувиар шүүмжлэлээ хайрлажээ.

Швейцарийн Давос хотод болсон  дэлхийн эдийн засгийн 44 дэх удаагийн чуулганд тэрбээр оролцсон аж. Чуулганы талаарх санал дүгнэлтээ хэвлэлээр дам­жуулан хуваалцав. Монголын эдийн засаг, хөрөнгө оруулалт муудсан нь  Давосын чуулга уул­залтаас харагдсан гэнэ. Ч.Г­ан­хуяг “Улс бүр Давосын чуулга уулзалтад оролцдоггүй. Чуул­га­наар Дэлхийн эдийн засгийн чиг хандлага хаашаа явж байна гэдгийг онцолдог. Тэр чиг хандлагад гол үүрэг гүйцэтгэх орныг л онцолно. Бид 2009 онд Хөрөнгө оруулалтын гэрээ үзэглэж, 2010, 2011 онд гайхамшигтай өндөр хурдаар эдийн засгаа өсгөсөн. Гадаадын хөрөнгө оруулагчдын сонирхол ид оргил үедээ байхад нь Монголын хөгжлийг хэлэлцье гэдэг шийдвэр гарсан. Нээлттэй хурлаар манай хөгжлийн загва­рыг хэлэлцэх ёстой байсан. Ха­рамсалтай нь сүүлийн хоёр жилд бид амжилтаасаа ухарсан. Эдийн засгийн хурд  илт саарлаа. Иймд хаалттай хурал боллоо. Түүний дараагийн шүүмжлэх сэдэв ямар асуудал байхыг харах үлдэж байна.