Орд бүрийг цэцгээр илэрхийлсэн үзэсгэлэн гарах гэж байна. Зураач Э.Мягмардорж энэ сарын 18-ны өдөр өөрийн анхны бие даасан үзэсгэлэнгээ “13 орд-13 цэцэгс” нэртэйгээр гаргах гэж байгаа бөгөөд 13 ордны  13 цуврал цэцгсийн бүтээлийг дэлгэх энэхүү үзэсгэлэн  “Blue moon art gallery”-д гарах юм. 

Уран бүтээлч Э.Мягмардорж “Нийт 12 биш 13 орд байдаг.  13 дахь орд болох Могойн орд нь Хилэнц, Нумын ордны голд байрладаг. Ертөнцийн хуулиар 12 нь дээд тоо бөгөөд 13 дахь нь хязгаараас давсан илүү гэж олон шашин, зурхайд үздэг. Эртний  одон орончид энэхүү 13 дахь могойн орд байдгийг мэддэг ч  зориуд тооцдоггүй байсан юм билээ. Үүнийг олон нийтэд дэлгэхийн  зэрэгцээ орд бүрийн онцлогийг цэцгээр илэрхийлснээрээ энэхүү үзэсгэлэн маань онцлогтой” хэмээн тайлбарласан байна.