Санхүүгийн зохицуулах хороо ээлжит хуралдаанаа хийж, санхүүгийн зах зээлд холбогдолтой шийдвэрүүдийг гаргасан байна.

Хуралдаанаар үнэт цаасны, даатгалын, эрсдлийн үнэлгээ, судалгаа, санхүүгийн шинэ бүтээгдэхүүн үйлчилгээний, бичил санхүүгийн зохицуулалтын хүрээнд хэлэлцэн шийдвэр гаргажээ.

Нэг. Үнэт цаасны зохицуулалтын хүрээнд:

-“Гүн галуут” ХК-ийн үнэт цаасыг бүртгэлээс хасах,
-“Багануурын дулааны станц” ТӨХК-ийн үнэт цаасны бүртгэлд өөрчлөлт оруулах,
-"Кастодианы тусгай зөвшөөрлийн болон үйл ажиллагааны журам батлахыг зөвшөөрчээ.

Хоёр. Даатгалын зохицуулалтын хүрээнд:

-“Нэйшнл лайф даатгал” ХХК-д хувь нийлүүлсэн хөрөнгийн хэмжээнд өөрчлөлт оруулахыг зөвшөөрөх,
-“Капитал банк” ХХК-д даатгалын зуучлагчийн үйл ажиллагаа эрхлэх тусгай зөвшөөрөл олгов.

Гурав. Эрсдлийн үнэлгээ, судалгаа, санхүүгийн шинэ бүтээгдэхүүн, үйлчилгээний зохицуулалтын хүрээнд:

-Үнэт цаасны зах зээлд оролцогчид хөрөнгийн үнэлгээний үйлчилгээ үзүүлэх хуулийн этгээдээр“Далайван-Аудит” ХХК, “Эвиденсе-Аудит” ХХК, “БДО аудит” ХХК, “Гэрэгэ эстимэйт” ХХК, “Бэсгэ” ХХК зэрэг нийт 14 компанийг шинэчлэн бүртгэв.
-Үнэт цаасны зах зээлд оролцогчид аудитын үйлчилгээ үзүүлэх хуулийн этгээдээр “Конфиденсе-Аудит” ХХК, “Далайван-Аудит” ХХК зэрэг нийт 12 компанийг шинэчлэн бүртгэх,
-Үнэт цаасны зах зээлд оролцогчид аудитын үйлчилгээ үзүүлэх хуулийн этгээдээр “Лайэн-Аудит” ХХК, “Дөлгөөнхайрхан уул аудит” ХХК, “Алаг уул финанс Аудит” ХХК-уудыг бүртгэх,
-“Өмгөөллийн И Эл Си” ХХН-ийг үнэт цаасны зах зээлд оролцогчид хууль зүйн зөвлөгөө үзүүлэх хуулийн этгээдээр бүртгэх,
-“Өмгөөллийн Эм Ди Эс энд ассошэйтс” ХХН-ийг үнэт цаасны зах зээлд оролцогчид хууль зүйн зөвлөгөө үзүүлэх хуулийн этгээдээр шинэчлэн бүртгэсэн байна.

Дөрөв. Бичил санхүүгийн зохицуулалтын  хүрээнд:

-“Хадгаламж, зээлийн хоршооны үйл ажиллагааны зохистой харьцааны шалгуур үзүүлэлт болон дагаж мөрдөх үзүүлэлтийг тооцож, хяналт тавих журам”-ыг батлах,
-“Бүрэнфинанс” ХХК, “Дэлгэрфинанс” ХХК болон “Эй Ар И Си моргаж корпорэйшн” ХХК-уудад банк бус санхүүгийн үйл ажиллагаа эрхлэх тусгай зөвшөөрөл олгох,
-“Ард кредит ББСБ” ХХК-ийн хаалттай өрийн бичгийг бүртгэх,
-“Бадрангуй кредит ББСБ” ХХК-ийн банк бус санхүүгийн үйл ажиллагаа эрхлэх тусгай зөвшөөрлийг түдгэлзүүлэх,
-“Наран хас булаг” ХЗХ-ны хадгаламж, зээлийн үйл ажиллагаа эрхлэх тусгай зөвшөөрлийг сэргээж, сунгах,
-“Арвижих билэг” ХЗХ, “Финстар” ХЗХ болон “Идэрийн ундарга” ХЗХ-дын  хадгаламж, зээлийн үйл ажиллагаа эрхлэх тусгай зөвшөөрлийг сунгах,
-“Хамтын хөгжлийн чуулган” ХЗХ-ны хадгаламж, зээлийн үйл ажиллагаа эрхлэх тусгай зөвшөөрлийг хүчингүй болгох шийдвэрийг тус тус гаргажээ.