Сар шинийн дараа буюу хоёрдугаар сарын 5-нд Баян-Өлгий аймгийн МАН-ын хороо 27 дугаар бага хурлаа хийж, намын бүтэц бүрэлдэхүүн удирдлагаа шинэчилжээ. Тодруулбал, намын даргад А.Галамхан, Д.Бауржан, Г.Солтан нар өрсөлдсөн байна. Тэднээс Д.Бауржан өөрийн хүсэлтээр нэрээ татсанаар, Г.Солтан долоон хүний илүү саналаар аймгийнхаа МАН-ын хороог удирдах болжээ.

Харин орон тооны намын дэд даргаар К.Болат сонгогдсон байна. Онцлоход, Г.Солтан өмнө нь Ерөнхий сайдын зөвлөхөөр ажиллаж байсан бол Х.Болат Сагсай сумын Засаг даргаар ажиллаж байжээ.

Нийт 160 орчим төлөөлөгч уг хуралд оролцсон байна.