“Баруун бүсийн эрчим хүчний систем” ХК үүсч болох саатлын төлөвлөгөөг гарган бэлэн болгосон талаар Төрийн өмчийн хорооноос мэдээллээ. Энэ бүсийн эрчим хүчний системд  хэрэглээг хангахын тулд гаднаас эрчим хүч авахад хэд хэдэн асуудал тулгарч байгаа ажээ. Тодруулбал, ОХУ-аас импортоор авч байгаа цахилгаан, эрчим хүчний үнэ жил дараалан нэмэгдэж, 2010 онд дунджаар нэг кВ.ц цахилгааныг 60.06 төгрөгөөр худалдаж байсан бол 2013 оны эцсийн байдлаар 81.87 төгрөг болжээ. Эрчим хүчний хэрэглээ уг системийн хэмжээнд өнгөрсөн жилийн эцсийн байдлаар 126.8 сая кВт. цаг хүрсэн байна. Энэ жилийн төлөвлөлтөөр 130.8 сая кВт.цаг хүрэх төлөвтэй байгаа ажээ.

Эрчим хүчний зохицуулах газраас түгээх компаниудыг ААНБ-уудад 90 төгрөг, айл өрхөд 60 төгрөгөөр борлуулахаар тогтоосон. Баруун бүсийн эрчим хүчний системийн хувьд, үнэ тарифаас болж эрчим хүчний орлого, зарлагын харьцаа алдагдаж байгаа тул үнэ тарифыг нэмэхгүй бол ирэх гурван жилд алдагдал дарааллан өссөөр 13.6 тэрбум төгрөгт хүрэхийг анхааруулжээ.