Таны найз нөхөд, хамаатан садан, эсвэл хэн нэгэн шинэхэн танил тань гэрт чинь гэнэтхэн зочилж, ганц хоёр жүнз дарсаар дайлуулахыг хүссэн үед гэрийн эзэн болсон та дарсаа тохирох температурт нь оруулж, хөргөх эсвэл халаах гэж зочноо багагүй хүлээлгэдэг байсан бол одоо энэ байдал дахин давтагдахааргүй болжээ. Шинэлэг санаа, шинэ технологийн ачаар SkyBar-ынхны бүтээсэн One Wine System бага оврын автомат машин таны дарсыг хормын дотор яг тохирох температурт нь оруулж өгөх гэнэ. Машины урд хэсэгт байрласан 15 төрлийн дарсны ерөнхий шинж байдлын сонголтоос та тохирохыг нь сонгож, ганцхан товчлуур дарснаар дарсны амтыг гайхалтай мэдрүүлэх тохирсон температурт оруулахаас гадна онгойлгоход төвөгтэй байдаг дарсыг тань онгойлгож, аягалахад бэлэн болгож өгөх юм. Тансаг чамин зүйлд дуртай, бас аливааг амар хялбар, гарын дор бэлэн байлгах дуртай хүмүүст зориулсан One Wine System нь 399 ам.долларын үнэтэй ажээ.

С.Цэлмэг