МАХН-ын дарга Н.Энхбаярын гэргий О.Цолмон, хүү Э.Батшугар нар өнөөдөр ТВ-9 телевизэд зочиллоо. Тэдний ийн гэнэтийн зочлол нь тус телевизийн уран бүтээлчидтэй сар шинийн золголт хийх, мөн ажил нь ямархуу байгаатай биечлэн танилцах зорилго агуулсан байж мэдэх аж. Гэхдээ ээж, хүү хоёрыг ирэх сургаар “МАХН-ын дарга Н.Энхбаяр Монголд иржээ, одоо ТВ-9 телевизэд ирэх гэж байна” гэх яриа үүссэн нь эндүүрэл байжээ. Н.Энхбаяр даргын хувьд БНСУ-д байгаа бөгөөд энэ сарын 8-нд буюу ирэх бямба гаригт МАХН-ын УИХ, Засгийн газрын гишүүд, дэд сайд нараас бүрдсэн өргөн бүрэлдэхүүнтэй баг түүнтэй золгохоор Улаанбаатар хотоос мордох гэж байгаа юм.

Онцлоход, ТВ-9 телевизийг үүсгэн байгуулсан хөрөнгө оруулагч нь МАХН-ын дарга Н.Энхбаяр гэдгийг олон нийт андахгүй болсон болов уу.