Колумбын армийн тагнуулын албаны генералууд эрх баригчдыг тагнасан хэргээс үүдэн албан үүргээсээ халагджээ. Колумбын армийн тагнуулын алба нь Засгийн газрын албаныхны “ФАРК” бүлэглэлтэй Кубад хийсэн уулзалт, хэлэлцээний үеэр тагнах ажиллагаа явуулсан аж. “Semana” сонинд мэдээлснээр армийн элитүүдийг багтаасан тагнуулын алба нь хууль тогтоогчдын гар утасны яриаг чагнаж, тандсан гэнэ. Үүний улмаас армийн тагнуулын албаны генерал Маурисио Рикардо Суниги, Оскар Зулуага нар албан тушаалаасаа буужээ.

Колумбын Засгийн газар 50 жил үргэлжилж буй зөрчил мөргөлдөөнийг зогсоохын төлөө 2012 оны арваннэгдүгээр сараас хойш “ФАРК” бүлэглэлтэй энхийн яриа, хэлэлцээг эхлүүлсэн юм.