Өнгөрсөн жил Монголын тамирчид дэлхийд нэрээ дуурсган 77 алт, 118 мөнгө, 192 хүрэл медаль хүртжээ. Засгийн газар амжилт гаргасан тамирчдыг дэмжиж, тив, дэлхий олон улсын тэмцээнд амжилт гаргасан тамирчин, дасгалжуулагчдад нийт 908 орчим сая төгрөгийн урамшуулал олгосон байна. 

Мөн өнгөрсөн 2013 онд Монголд олон улсын чанартай есөн тэмцээн зохион байгуулж, гадаадын 873 тамирчин, төлөөлөгчдийг хүлээж авчээ.