“Анирлагч” уран сайхны кино хоёрдугаар сарын 5-нд 16:00 цагаас “Тэнгис” кино театрт нээлтээ хийхээр болжээ. Уг киноны найруулагчаар Д.Сангибат, Д.Энхбаатар нар ажилласан бол киноны продюсерээр “Амар медиа” продакшны захирал, жүжигчин, Соёлын тэргүүний ажилтан Р.Адъяа ажилласан билээ.

Киноны гол дүрд Гавьяат жүжигчин Д.Гүрсэд, Улсын драмын эрдмийн театрын жүжигчин Э.Ууганбаяр, жүжигчин П.Шүүдэрцэцэг, мисс Х.Бадамгэрэл нарын авьяаслаг уран бүтээлчид тоглосон байна.

“Анирлагч” уран бүтээл нь сэтгэхүйн драм жанрын бүтээл бөгөөд бодит явдлаас сэдэвлэжээ. Уншигчдадаа сонирхуулахад, тус уран бүтээлд П.Шүүдэрцэцэг тун ч эротик дүр бүтээсэн гэнэ лээ. “Анирлагч”-тай уулзах өдөр ойртжээ.