Дархан-Уул, Орхон аймагт энэ жил гахайн ферм байгуулахаар болжээ. Тодруулбал, энэ жил Дархан-Уул аймагт 80 мэгжтэй дөрвөн ферм, Орхон аймагт 80 мэгжтэй гурван ферм тус тус байгуулах талаар Үйлдвэр, хөдөө аж ахуйн яамнаас мэдээллээ. Цаашдаа 2015 онд Сэлэнгэд нэг, Булган аймагт хоёр, 2016 онд Хэнтий, Дорнод аймагт 80 мэгжтэй тус бүр нэг ферм байгуулахаар төлөвлөсөн байна.

Өнгөрсөн жилийн байдлаар нийслэлд 320 мэгжтэй хоёр ферм, Төв аймагт 320 мэгжтэй нэг ферм байгаа ажээ. Гахайн аж ахуй цаг, арчилгаа их шаарддаг ч ашиг тус ихтэй тул ийнхүү фермүүдийг нэмж байгуулахаар болжээ.