Холливудад 2014 онд нээлтээ хийхээр төлөвлөгдөөд байгаа хүүхэлдэйн кинонуудын талаарх мэдээллийг хүргэж байна. Энэ сард “Lego” тоглоомын талаарх хамгийн анхны бүрэн хэмжээний хүүхэлдэйн кино нээлтээ хийхээр болсон байна. Мөн “Лууг хэрхэн сургах вэ” хүүхэлдэйн киноны хоёрдугаар анги болон өөр олон сонирхолтой хүүхэлдэйн кинонууд нээлтээ хийх  нь ээ.  
 
“Lego movie”

Энэ сард “Lego” тоглоомын талаарх хамгийн анхны бүрэн хэмжээний хүүхэлдэйн кино нээлтээ хийхээр болсон байна.

Энэхүү хүүхэлдэйн кинонд “Lego” ертөнцийн талаар өгүүлнэ. Кинонд  Emmet хэмээх энгийн лего хүн санаандгүй байдлаар  лего ертөнцийнхөө аврагч болж байгаа тухай гардаг аж. Америк Австралийн кино бүтээгчидийн хамтрсан энэхүү кино нь ирэх хоёрдугаар сарын 7-нд нээлтээ хийнэ.  Энэхүү киног Phil Lord болон Chris Miller нар найруулан бүтээж байгаа бөгөөд эвлүүлдэг лего тоглоомноос сэдэвлэн бүтээжээ. 

Кинонд жүжигчин  Morgan Freeman, Elizabeth Banks болон Liam Neeson нар дуу оруулсан байна.
 
 
“Mr. Peabody and Sherman”

“Mr.Peabody & Sherman”  хэмээх хүүхэлдэйн киног 1960 оны  “Пийбодигийн итгэмээргүй түүх” хэмээх цуврал хүүхэлдэйнээс сэдэвлэн бүтээжээ. 

Кинон дээр “DreamWorks Animation” болон “20th Century Fox”  нар хамтран ажилласан байна. 

Найруулагчаар нь Rob Minkoff, продюсерээр нь Alex Schwartz болон Denise Nolan Cascino нар ажиллажээ. Кинонд дэлхийн хамгийн ухаантай Mr. Peabody нохой болон түүний үрчилж авсан Sherman хүүгийн талаарх сонирхолтой түүнийг өгүүлэх нь ээ. Нэг өдөр Sherman хүү цаг хугацаагаар аялах WABAC machine-ны тохируулгыг алдагдуулсанаар дэлхийн бүхий л зүйлс утгаа алдаж эхлэнэ. Цаг хугацааны машиныг засах хүртэл тэр бүх будлиант үйл явдал үргэлжлэх гэнэ.
 
 
“Muppets Most Wanted”

“Muppets” цуврал ирэх гуравдугаар сараас дахин дэлгэцнээ гарахаар болсон байна. 2011 онд гарч байсан “Muppets” инээдмийн мюзикл киноны үргэлжлэл болох “Muppets Most Wanted” кино гуравдугаар сарын 21-нд гарах нь.

Киноны найруулагчаар нь  Жэймс  Бобин ажиллаж байгаа бөгөөд дүрүүдэд  Тина Фей, Дэвид Хобермэн, Тодд Либермэн нарын уран бүтээлчид дуу оруулжээ.
 
 
“RIO 2”

“Blue Sky Studios”-ын бүтээл Carlos Saldanha-ын найруулагчаар нь ажилласан “Rio 2”  хүүхэлдэйн кино ирэх  дөрөвдүгээр сард нээлтээ хийнэ. 2011 онд гарч байсан “Rio” хүүхэлдэйн киноны үргэлжлэл энэхүү кинонд гол дүрийн Blu шувуу хотын амьдралаасаа гарч, Амазоны ширэнгэн ойн амьдралд дасахаар оролдож байгаа талаар гардаг. Тэнд Blu болон Jewel нар гурван бялзуухайн хамт амьдардаг юм. Мөн түүний ширэнгэн ойд дасах явцдаа тэрээр  шинэ гэр бүл найз нөхөд болон өстөн дайснуудтайгаа учирна.  Киноны гол дүрийн баатруудад  жүжигчин Анна Хэтавей, жесси Эйсинберг нар дуу оруулсан байна. Мөн дуучин Бруно Марс дуу оруулж байгаагаараа онцлог юм байна.
 
 
“How to Train Your Dragon 2”

“DreamWorks Animation” болон  “20th Century Fox”-ын хамтын бүтээл “How to Train Your Dragon” хүүхэлдэйн киноны хоёрдугаар анги ирэх зургаадугаар сарын 13-нд нээлтээ хийнэ.  Киноны өмнөх анги 2010 онд дэлгэцнээ гарч байсан билээ. Энэ удаад киноны найруулагчаар нь Dean DeBlois ажилласан байна.  Кинонд  Хикап  хүү болон шүдгүй луу нарын анхны уулзалтаас хойш таван жилийн дараах үйл явдалыг харуулдаг юм.  Викингчүүд  нь өмнө нь тийм ч хол аялаж чаддаггүй байсан бол энэ удаад луунуудынхаа хүчээр олон газрыг нээж олох болно.  Ингэснээс шинэ луунууд болон шинэ соёл иргэшилүүдтэй танилцана.  Мөн Хикап луунууд болон хүмүүсийн хоорондох томоохон зөрчилдөөнийг олж илрүүлэх бөгөөд түүнийгээ найз нөхөд луунуудынхаа хүчээр даван туулах болно.