УИХ-ын чуулганы нэгдсэн хуралдаанаар хуулийн төсөл хэлэлцэж байх үед гишүүдийн гар утас хангинаж чимээтэй байсанд УИХ-ын дарга гишүүдэд хандаж нэгэн зөвлөгөөг өглөө. Тэрээр “Гишүүд ээ, гар утасныхаа дууг багасгаж, унтрааж сур. Чичирхийлдэг дээр нь тавь. Вибратор гэж юм байдагийг мэдэж байна уу та нар, хууль хэлэлцэж байна” гэж сургааль айлдав.

Огцом, огцом хор шар малтсан үг хэлж суудаг УИХ-ын дарга энэ удаад “ангийнхандаа” гар утасны дууг багасгахтай холбоотой зөвлөгөө өгсөн нь гишүүдэд нэлээд таалагдав бололтой, нирхийтэл инээлдэнэ билээ.