Интернэт орчин дахь хамгийн том нэвтэрхий толь болох Wikipedia сайт алдартнуудын намтарыг бичсэн хуудсандаа тухайн алдартны дуу хоолойны бичлэгийг байршуулах төслийг хэрэгжүүлж эхэллээ.

Ингэснээр тухайн алдартны өөрийн дуу хоолойгоор бичигдсэн ямар нэгэн яриаг сонсох боломж бүрдэх юм. Энэ нь зөвхөн англи хэл дээр гэхгүй учраас тухайн алдартан өөрийн төрөлх ямар ч хэлээр бичлэг хийн тавиж болох аж.

Энэхүү төсөл амжилттай хэрэгжвэл олон сая алдартнуудын өөрсдийн дуу хоолойг сонсох, үе хойчид хадгалан үлдээх чухал ач холбогдолтой хэмээн онцолжээ.