“Эрүүл Мэндийн Анхан Шатны Тусламжийн шинэ чиг хандлагыг  хөгжүүлэх замаар Нийгмийн эрүүл мэндийн бодлогын хэрэгжилтийг эрчимжүүлэх нь” сэдэвт үндэсний семинар Эрүүл мэндийн яаманд өнгөрөгч өдрүүдэд боллоо.

Уг семинарт Эрүүл Мэндийн сайд С.Ламбаа, дэд сайд Ж.Цолмон, төрийн нарийн бичгийн дарга Н.Хүрэлбаатар, ДЭМБ-ын Монгол дахь суурин төлөөлөгч доктор Виват нар болон сумын эмнэлэг, өрхийн эмнэлгийн эмч нарын төлөөлөл, зарим сумдын дарга нар, дүүрэг, аймгын эрүүл мэндийн нэгдлийн дарга нар, ЭМЯ-ны газар хэлтсийн дарга нар, холбогдох мэргэжилтнүүд оролцлоо.

Сүүлийн жилүүдэд хүн амын тоо эрчимтэй нэмэгдэж, дундаж наслалт нэмэгдэж байгаа боловч өвчлөл, нас баралт, түүнд нөлөөлж буй хүчин зүйлүүд буурахгүй байгаа, хүний зан үйл, аж төрөх хэв маягтай холбоотой халдварт бус  өвчлөл сүүлийн 15 жилд  тогтвортой нэмэгдэж, насанд хүрсэн 10 хүн тутмын 9 нь халдварт бус өвчнөөр нас барж байгаа, таван хүн тутмын нэг нь гурав ба түүнээс дээш  эрсдэлт хүчин зүйлтэй, 45 ба түүнээс дээш насны эрэгтэйчүүдийн  хоёр хүн тутмын нэг нь халдварт бус өвчтэй болсон, хот төлөвлөлттэй холбоотой осол гэмтэл ихсэх хандлагатай, хүнсний аюулгүй байдал алдагдаж, хоол тэжээлийн дутал, элдэв хордлого, үүний дотор  үдийн цайнаас үүдэлтэй хоолны хордлого нэмэгдэж байгаа, цэргийн албанд бие бялдрын хөгжлийн үзүүлэлтээр тэнцэхгүй залуучууд олширч байгаа зэрэг хүндрэлтэй энэ үед Дэлхийн Эрүүл Мэндийн Байгууллагын оролцоо дэмжлэгтэйгээр хийж байгаа уг семинар нь цаг үеэ олсон чухал  ажил болж байгааг зохион байгуулагчид онцолж байлаа.

Б.Энхмандах