Бөхийн өргөөнд өнөөдөр 14.00 цагаас Монгол улс болон Бүгд Найрамдах Солонгос Улс дипломат харилцаа тогтоосны 20 жилийн ой, Монгол дахь Солонгосын жилийн хүрээнд зохион байгуулж байгаа “2010 Монгол Солонгосын үндсэний бөхийн нөхөрсөг барилдаан” болно. Солонгосын Ширюм болон Монголын үндэсний бөхийн үзүүлэх барилдаанууд болох бөгөөд уг арга хэмжээ маргааш үргэлжилж Монголын бөхчүүд Солонгосын үндэсний барилдаанаар өрсөлдөх юм.

Энэхүү арга хэмжээг Бүгд найрамдах Солонгос улсын Соёл, биеийн тамир, аялал жуулчлалын яам, БНСУ-ын Гадаад харилцаа, худалдааны яам, БНСУ-аас Монгол улсад суугаа Элчин сайдын яам, Монгол Улсын Гадаад харилцааны яам, Монгол Улсын Боловсрол, соёл, шинжлэх ухааны яам, Солонгосын их дээд сургуулийн Ширюм бөхийн холбоо, Монголын үндэсний бөхийн холбоо хамтран зохион байгуулж байна.

Б.Энхмандах