Монгол улс болон Бүгд Найрамдах Солонгос Улс дипломат харилцаа тогтоосны 20 жилийн ойг тохиолдуулан “Монгол дахь Солонгосын жил” энэ онд тохиож байгаа юм байна. Энэхүү тэмдэглэлт үйл ажиллагааны үеэр Солонгосын ард түмний соёл уламжлалыг түгээн сурталчилсан олон арга хэмжээнүүд явагдаж байгаа бөгөөд зургадугаар сарын 09-нөөс долдугаар сарын 05-ныг хүртэл үргэлжлэх аж.

Солонгосын  кино өдрүүдийн хүрээнд өнөөдөр “Өргөө” кино театрт “Аминаас илүү амь”, ”Цунами”, ”Миний амьдралын дурсамж”, “Миний дүрсгүй найз охин” зэрэг кинонууд үнэ төлбөргүй үзүүлж байна. Мөн “Солонгосын орд харш” үзэсгэлэн Монголын үндэсний түүхийн музейд гарч байгаа бөгөөд Монголд суугаа Солонгос иргэдийн нийгэмлэгээс санаачлан Монголын Үндэсний Худалдаа Аж Үйлдвэрийн Танхимтай хамтран “Монгол-Солонгосын шилдэг бүтээгдэхүүн-2010” үзэсгэлэн энэ сарын Мишээл экспо төвд зохиогдож байна.

Б.Энх