Боливи улс энхийн зориулалттай цөмийн хөтөлбөрийг хөгжүүлэх ажлын хүрээнд атомын цахилгаан станцын /АЦС/ цөмийн тогоо барихаар төлөвлөжээ. Боливид анх удаагаа АЦС барих төсөлд Иран, Франц, Аргентин улсууд тусламж, дэмжлэг үзүүлэхээ амласан байна. Ийнхүү Боливи улс АЦС-аар эрчим хүчнийхээ хэрэглээг шийдсэн Латин Америкийн дөрөв дэх орон болох аж. Харин Бразиль, Аргентин, Мексик улсууд нь 1970-аад оноос хойш цөмийн хөтөлбөр хэрэгжүүлж эхэлсэн байна.
Үүнээс өмнө өнгөрсөн арванхоёрдугаар сард Боливи улс анхны харилцаа холбооны хиймэл дагуулаа сансарт хөөргөж байсан юм.