УИХ-ын Эдийн засгийн байнгын хорооны хуралдаан болж байна. Тус хуралдаанаар Газрын тосны тухай хуулийн төслийн анхны хэлэлцүүлгийг хийх байсан ч ажлын хэсэг хуралдаж чадаагүй тул өнөөдрийн хуралдаанаас төслийг хасах саналыг УИХ-ын гишүүн Х.Болорчулуун гаргав. Ажлын хэсэг хуралдаж чадаагүйн шалтгаан нь тус ажлын хэсэгт багтдаг гишүүдээс тав нь гадаад, дотоодод ажиллаж байсантай холбоотой аж.

Газрын тосны хуулийн төслийн шинэчилсэн найруулгыг УИХ-аар цаг хугацаандаа хэлэлцэж чадахгүй хойшлуулж байгаад УИХ-ын гишүүн Ц.Нямдорж шүүмжлэлтэй хандаж, Засгийн газраас уг хуулийн төслийг УИХ-д өргөн мэдүүлээд бараг жилийн нүүр үзэх шахаж байхад УИХ хариуцлагагүй хандаж байна гэлээ. Үүнтэй УИХ-ын Эдийн засгийн байнгын хорооны дарга мөн санал нэг байгаагаа онцлоод, энэ асуудалд ажлын хэсэг хариуцлагатай хандахыг сануулснаар хоёр дахь асуудлыг хэлэлцсэн юм. Энэ нь Ашигт малтмалын тухай хуульд нэмэлт өөрчлөлт оруулах тухай хуулийн төсөл. Тодруулбал, алтанд ногдох татварыг 2.5 хувь болгохтой холбоотой зохицуулалт энэхүү хуулийн төсөлд багтаад байгаа юм.

Хэлэлцүүлэг үргэлжилж байна.