АНУ-ын ерөнхийлөгч Барак Обама бусдын гар утсасны яриаг чагнаж, текстэн мэссэжүүдийг нь тагнан мэдээлэл цуглуулах, хадгалахыг хориглох хууль тогтоомж гаргах талаар Конгресст хандана хэмээн албан ёсоор мэдэгдсэн тухай BBC мэдээлжээ. Мөн АНУ-ын Үндэсний аюулгүйн албанд дээрх үйлдлүүдийг дахин гаргахгүй байх үүрэг өгсөн байна.

АНУ-ын тагнуул, дэлхийн бүх тагнуулын байгууллагын адил зөвхөн терроризмтой тэмцэх, Америкийн цэрэг, холбоотнуудыг хамгаалах, түүнчлэн зохион байгуулалттай гэмт хэргийн эсрэг тэмцэлд цахим мэдээлэл цуглуулах зэрэг үйл ажиллагаа явуулдаг гэж өөрсдийгөө зөвтгөөд байсан билээ.

Харин гар утасны яриаг чагнадаг тухай мэдээлэл цацагдсанаас хойш маш хүчтэй эсэргүүцэлтэй нүүр тулсан ба иргэд томоохон хэмжээний жагсаал цуглаан зохион байгуулж, хувийн мэдээлэлд нь халдахгүй байхыг шаардсан юм.