Японы мэргэжлийн сумогийн энэ оны тэргүүн башё Токио хотноо болж байна.

Нэгдүгээр сарын Хацү башёгийн найм дахь өдөр их аварга Хакүхо Шёхозаныг давснаар найман даваатай болж, тавин хувийн амжилтаа үзүүллээ.

Энэ өдөр какурюү М.Ананд Икиойг давснаар Хакүхогийн араас долоон даваатай удаалж эхэллээ.

Токүшёрю, Гүржийн Гагамару, Египетийн Осунаараши нар өнөөдөр зургаа дахь даваагаа авснаар тэргүүлэгчдийн эгнээнд үлдэв Найм дахь өдөр озэки Кисеносато комүсүби Точизанд ялагдсан бол озэки Котошёгику Болгарын Аойямаг давснаар таван даваатай башёг үргэлжлүүлж байна.

Жюүрёо зиндааг Саданоуми, Чиёомару, Азүмарюү С.Тодбилэг нарын бөхчүүд долоон даваатай тэргүүлж байна.

Маргааш их аварга Хакүхо таван даваатай Такэказэтэй, какурюү М.Ананд гурван даваатай Аойяматай оноолт таарчээ.