Урлаг, улстөр, бизнесийн хүрээний олны танил эрхмүүд өчигдөр хүнд жингийн  төрлөөр хүч чадлаа сорьжээ. Пауэрлифтингийн тэмцээнд  урлаг, улстөр, бизнесийн гэсэн ангиллаар багууд хоорондоо өрсөлдсөн байна. Ингээд хэвтээ шахалтын төрөлд УДЭТ-ын жүжигчин, Г.Эрдэнбилэг буюу Эби 180 кг шахаж тэргүүлсэн бол ЗГХЭГ-ын дарга, УИХ-ын гишүүн Ч.Сайханбилэг 175 кг, Үйлдвэр хөдөө аж ахуйн сайд, УИХ-ын гишүүн Х.Баттулга 160 кг шахаж удаалжээ.

Ийнхүү урлагийнхан дундаа сайхан биетэйд тооцогддог жүжигчин Эби шаггүй спортлог гэдгээ харуулсан бол УИХ-ын гишүүд дотроос хамгийн спортлог Х.Баттулгаас Ч.Сайханбилэг гишүүн  15 кг-аар  илүү шахаж,  түүнээс хүч чадлаар илүү гэдгээ баталлаа.