Спрайт Супер лигийн шинэ улирал удахгүй эхэлнэ. Энэ улиралд Спрайт Супер лиг Монголд анх удаа сагсан бөмбөгийн ДРАФТ хийх гэж байна. Ингэснээр шилдэг шинэ залуу тоглогчид үзүүлж буй амжилтаа албан ёсоор үнэлүүлж, дээд түвшний багууд руу дэвшиж тоглох боломжууд нээгдэж байгаа юм.

Драфтын ёслолын үйл ажиллагаа маргааш буюу 2014.01.18-ны өдөр 12.30 цагт “Өргөө” кино театрын хойно байрлах “Гурван тамир” рестораны “Шонхор Палас”-т болохоор боллоо. Энэхүү драфтын үйл ажиллагаа явагдсанаар Спрайт хөгжлийн лиг, Спрайт Супер лиг, Үндэсний супер лиг хэмээх 90 гаруй багтай Монгол улсын хамгийн том лигүүд холбогдож байна.