УИХ-ын гишүүн Л.Энх-Амгалан гишүүн чуулганы хуралдааны үеэр УИХ-ын дэгийн тухай хууль зөрчсөн учраас арга хэмжээ авахуулахаар боллоо. Хуулийн төсөл хэлэлцэх үеэр тухайн төслийг дэмжиж байгаа гурав, дэмжихгүй байгаа гурван гишүүн үг хэлдэг.  Хэрэв дэмжихгүйгээр үг хэлсэн бол санал хураахад дэмжихгүй байх ёстой Дэгийн хууль үйлчилж буй. Гэтэл өнөөдөр Малын индексжүүлсэн даатгалын тухай хуулийн хэлэлцэх үеэр УИХ-ын гишүүн Л.Энх-Амгалан дэмжихгүй үг хэлсэн ч дэмжиж санал өгсөн учраас УИХ-ын дэгийн тухай хуулийг зөрчсөн гэж үзэж, УИХ-ын дарга хариуцлага тооцохоо мэдэгдсэн. Ингэхдээ  дараагийн чуулганы хуралдаанд үг хэлэх эрхийг хасах зэргээр арга хэмжээ авахаа хэлсэн юм.

Уг нь тухайн хуулийн төслийг дэмжээгүй бол санал өгөхдөө ч мөн татгалзах ёстой байтал Л.Энх-Амгалан гишүүн андуурсан уу эсвэл дэгийн хуулиа мэдэхгүй байсан уу УИХ-ын даргаас хариуцлага тооцуулах сануулга авлаа.