Засгийн газрын тэргүүн нь хаана шинэ зүйл нээгдэнэ тэнд  очоод л тууз хайчилдаг моодтой болж. Бүтээн байгуулалт хийж, улс орноо хөгжүүлэх нь түүний үндсэн үүрэг байхад дуу хуур болж, сумын наадмын дайтай л тууз хайчлах ёсон үйлдэх юм. Цагаан сарын өмнө жил бүр эх орны бүтээгдэхүүн, цагаан идээний үзэсгэлэн худалдаа гардаг. Ерөнхий сайд Н.Алтанхуяг өнөөдөр мөн л үзэсгэлэн дээр очиж тууз хайчлав. Замын нээлт, үзэсгэлэн гээд Н.Алтанхуягаар тууз хайчлуулаагүй ёслол алга.

Нэгэнт л хийж бүтээж байгаа нь олон нийтийн нүдэн дээр ил байхад Ерөнхий сайд нь бөөн хамгаалалтаа дагуулж очиж, тууз хайчиллаа гээд тавьсан зам нь батжиж, гаргаж байгаа үзэсгэлэнгийн бүх зүйл нь хямдарчихгүй шүү дээ. Ерөнхий сайдыг хийж бүтээсэн зүйлгүй гэж хэлэх гэсэнгүй. Харин таны шоу чинь ихдээд, тууз хайчлах тань олдоод байна л гэсэн юм. Өнөөдөр л гэхэд Дүнжингарав худалдааны төвд нээгдээд буй Цагаан сарын үзэсгэлэн дээр очиж тууз хайчлаад, өөрөө бараг бүх барааг нь өмсч рекламдаад авна лээ.