“Тансаг Мода” загварын агентлаг нэгдүгээр сарын 18-нд “The corporate convention centre”-т 20:00 цагаас албан ёсны нээлтийн шоугаа зохион байгуулхаар зэхжээ. Тус шоуг “The corporate convention centre”, “Mottoo”, “Uran boutique” нар дэмжин ажиллаж байгаа бөгөөд урилгаар “Lemons”, “Jazz band”, “BTB DJ”, A Cool нар оролцох аж.

“Тансаг мода” загварын агентлаг нь 2014 оноос эхлэн АНУ-ын моделийн агентлагтай туршлага солилцох гэрээ байгуулан, хамтран ажиллаж байгаа бөгөөд Монголын нүүр царай болсон охид, залуусыг бэлтгэх, олон улсын хэмжээний шилдэг модель төрүүлэх зорилготойгоор ажиллаж байгаа юм. Тус агентлаг нь тайзны алхаа, харьцааны соёл, фото хичээл, зөв хооллолт, хувцаслалт, нүүр будалт, бүжгийн хичээл зэргийг мэргэжлийн ур чадвартай багш нарын удирдлаган дор явуулдаг аж.