Попын хаан,  домогт дуучин  Michael Jackson Францын “Ubisoft”  компанийн бүтээсэн “Бүжиглэцгээе” гэх цуврал видео тоглоомонд дахин амьдарч эхлэх нь ээ. Тус компанийханд өнгөрсөн жил Michael Jackson-ээр энэхүү тоглоомоо хийн цувралаа баяжуулах санаа төрсөн бөгөөд уг тоглоомоо Michael Jackson-ны  хамгийн алдартай “Beat It", “Billie Jean “ дуунуудаар нэрлэжээ. 

Тоглоомонд түүний алдартай дуунуудыг, гайхалтай бүжгийн хөдөлгөөнүүдтэй нь хослуулан программчилсан бөгөөд тоглогчид попын хааны бүжгийн чадвараас бага ч гэсэн суралцах боломжтой гэнэ. Үүнээс гадна тоглогчид бүжиглэхийн зэрэгцээ алдарт дуучны дуунуудыг нь дуулж өндөр технологоор үнэлүүлж болох аж. “Ubisoft”  компани нь Michael Jackson-ны тоглоомыг  “Xbox 360”, “PlayStation” , “PS3”, “PSP”, “Wii” болон  “Nintendo DS” нарт зориулан бүтээжээ.

Г.Даша