УИХ дахь МАН-ын бүлгийн дэд  дарга Д.Оюунхорол, УИХ-ын гишүүн Су.Батболд, Д.Сумъяабазар,  МАН-ын Ерөнхий нарийн бичгийн дарга Ж.Мөнхбат нар өнөөдөр Хан-Уул дүүргийн 14-р хороо буюу Өлзийт хорооллын иргэдтэй уулзлаа. МАН-аас цалин, тэтгэвэрийг 30 хувиар нэмэгдүүлэхээр таван хуулийн төсөл өргөн барьсан бөгөөд 2014 оны Төсвийн тодотголд цалингийн нэмэгдлийг тусгах ёстой гэж үзэж байгаа юм. Тиймээс ард иргэд, малчидтай уулзаж цалин, тэтгэврийг нэмэгдүүлэх талаар байр суурийг нь сонссон юм.

Мөн нийслэлийн хамгийн их малчид оршин суудаг Өлзийт хорооллын иргэдээс Малчдын тэтгэврийн даатгалын шимтгэлийг боловсронгуй болгох хуулийн төсөл  өргөн мэдүүлэх гэж байгаатай холбогдуулан саналыг нь сонссон юм. Энэхүү хуульд олон жилийн турш ярьж, хүлээлт үүсгээд байсан энэ хуулийн төсөлд  эрэгтэй хүн 55,  эмэгтэй хүн 50 настайдаа тэтгэвэрт гарах талаар заалт оруулсан байгааг малчид дэмжиж байгаагаа илэрхийлсэн юм. МАН-ын бүлгээс өргөн барьсан цалин хөлсийг нэмэгдүүлэх шаардлагатай байгааг Өлзийт хорооллынхон МАН-ын удирдлагуудаар дамжуулан Засгийн газарт хүргүүлж байгаагаа дуулгасан юм.

Хан-Уул дүүргийн 14-р хороо буюу Өлзийт хороолол нь 4123 оршин суугчтай бөгөөд үүнээс 1403 өрх амьдардаг юм байна. Нийт хүн амын 57 хувь нь малчид байдаг юм байна.