МУИС-ийн II байрны өмнөх замд “Хайлааст-МУБИС” чиглэлийн автобус гал командын машинтай мөргөлдсөн осол гарсан байна. Золоор иргэд бэртэж гэмтсэн зүйл байхгүй гэнэ. Тухайн ослыг харсан иргэдийн яриагаар “Галын машины урдуур автобус амжиж гарах гэж байгаад мөргөлдсөн” гэж байна. Мөн нийтийн тээврийн үйлчилгээнд явж байсан автобусны урд хэсэг буюу гупр нэлээд гэмтсэн гэлээ.

Ослын талаар бид Замын цагдаагийн газраас лавлахад “Эл осол өнөөдөр 11.00 цагийн орчимд гарсан. Хэнийх нь буруутай үйлдлээс ийм осол гарсан бэ гэдгийг хэлэх боломжгүй” гэлээ.

Г.НАРАН