Мэргэжлийн сумо бөхийн шинэ оны анхны тэмцээн болох Хацу башё өнөөдөр эхэллээ. 70 дахь ёкозуна Харумафүжи Д.Бямбадорж 2014 оны эхний башёд өсгий, шилбэний гэмтлийн улмаас барилдах боломжгүй болсон бол өнөөдрийн барилдаанд их аварга Хакухо М.Даваажаргал өрсөлдөгчөө давлаа. Их аваргын хүчтэй өрсөлдөгчдийн нэг озэки Кисенасато өнөөдөр өвдөг шорооджээ.

Харумафүжи аваргын хувьд арванхоёрдугаар сарын дунд үед бэлтгэл хийж байгаад зүүн хөлөө бэртээжээ. Нэгдүгээр сард тэрээр 12-хон удаа барилдааны бэлтгэл хийсэн байна. 29 настай аваргын багш, ояката Ишэгахама хэлснээр Харумафүжийн шөрмөс хэсэгчлэн сунасан байж магадгүй гэнэ. Тиймээс гэмтлийг сэдрээхгүйн тулд Хацу башёд барилдуулахгүй байхаар шийджээ.

Хацу башёгийн 1 дэх өдрийн дүн:

Хакухо (1-0) – Тотиозан (0-1)
Кисэносато (0-1) – Тоёоношима (1-0)
Окиноуми (1-0) – Какурюү (0-1)
Котошёгику (1-0) – Тиётайрюү (0-1)
Гоэйдо (1-0) –  Икиой (0-1)
Тоёохибики (0-1) – Котоошюү (1-0)
Мёгирю (0-1) – Аоияма (1-0)
Аминишики (0-1) – Такэказэ (1-0)
Сёхозан (1-0) – Кёкутэнхо (0-1)
Тамаваси (1-0) – Кайсэй (0-1)
Такарафужи (0-1) – Китатайки (1-0)
Такаяшу (1-0) – Тотиновака (0-1)
Саданофужи (1-0) – Фудзиазума (0-1)
Шётэнро (1-0) – Эндо (0-1)
Гагамару (0-1) – Йошиказэ (1-0)
Кёкүшюхо (1-0) – Тиёотори (0-1)
Кагамио (0-1) – Токитэнку (1-0)
Токүшёрю (1-0) – Масунояма (0-1)
Осунаараши (1-0) – Таканоива (0-1)
Асахишё (0-1) – Сатояма (1-0)