Японы хэвлэл, мэдээллийнхэн Монголын алдарт их аваргууд, мэргэжлийн сумогийн бөхчүүдийн тухай нэвтрүүлэг хийхээр Монголд ирж байсан нь олон болохоос жүдочдыг онцолсон телевизийн нэвтрүүлэг бэлтгэж байсан нь бараг үгүй. Тэгвэл өнгөрсөн 2013 онд Олон Улсын жүдо бөхийн холбооны Тивийн цомын тэмцээн, Гран-При, Их Дуулга, Дэлхийн мастер зэрэг өндөр зэрэглэлийн тэмцээнүүдийн нийлбэр дүн,  амжилтаараа дэлхийд гуравдугаарт бичигдсэн Монголын шигшээ багийн тамирчдын тухай дараах нэвтрүүлгийг шинэ оны өмнөхөн Японы телевизийнхэн бэлтгэж, дэлхий нийтэд цацжээ. Монгол жүдочдын амжилт, амжилтад хүрэх арга барилыг уг нэвтрүүлэгт харуулахыг зорьжээ.