УИХ-ын гишүүн С.Ганбаатар, Ц.Даваасүрэн, Х.Болорчулуун нар өнөөдөр Дархан-Уул аймгийг зорилоо. Парламентад бие даагчдыг төлөөлөн сууж байгаа гишүүд хэрхэн гар нийлж ажиллаж байгаа, УИХ-аар хэлэлцэгдэж байгаа хуулийн төслүүдэд бие даагчдын зөвлөл ямар байр суурь баримталдаг, 2014 оны улсын төсөв, мөнгөний бодлого, эдийн засгийн нөхцөл байдал ямар байгаа зэрэг олон асуудлыг Дархан-Уул аймгийн иргэд, сонгогчидод танилцуулах зорилготой аж. Уг аймаг С.Ганбаатар гишүүний тойрог, улмаар намрын чуулган завсарласны дараа бие даагчид Хөвсгөл, Дорноговь аймгуудад тус бүр ажиллана гэх мэдээлэл мөн байна.