Үзэсгэлэнт гүнж Одетта ордны бүгчим агаараас салхинд зугаалахаар гарч цэцэг түүж явсаар шидэт хар шувуу Ротбартын нутагт санамсаргүй орж ирснийг мэдсэнгүй. Хорон санаат Ротбарт Одеттаг хун болгон хувиргаж нууранд хөвүүлнэ. Ротбарт ингэж олон сайхан хүүхнийг хун болгон хувиргасан юм. Шилтгээний ойролцоох цэцэрлэгт ханхүү Зигфридийн насанд хүрсний баярыг тэмдэглэхээр үеийн нөхөд нь цугларчээ. Ханхүүд баяр хүргэхээр нутгийн хүүхнүүд ч ирнэ. Үнэнч нөхөр Алиа салбадай үсрэн дүүлж, зочдыг баясгана. Ханхүүгийн хүмүүжүүлэгч өвгөн Вольфганг жавхаалаг агаад, хөгжилтэй. Хайрт хүүгийхээ насанд хүрсний найранд оролцохоор хатан ээж ч ирнэ. Авхайг хүндэлсэн залуус хөгжилтэй бүжгээ хийж, Алиа садбадай ч эргэн үсрэн, инээлгэн баясгана. Орой болж хатан авхай явахдаа хүүдээ маргааш найран дээр амраг ханиа сонгож авахыг сануулна. Зигфрид бодолд орно. Хэнд ч дурлаж үзээгүй ханхүү ийнхүү уйтгарласан биз ээ. Огторгуйд хунгийн сүрэг ниснэ. Угийн анд дуртай Зигфрид буугаа авч хоёр найзын хамт явцгаана…П.И.Чайковскийн алдарт “Хунт нуур” балетийг өнөөдөр 17.00 цагаас Дуурь, бүжгийн эрдмийн театрын тайзнаа тоглох гэж байна. Энэ удаагийн тоглолтод Гавьяат жүжигчин Д.Алтанхуяг оролцохоороо онцлог юм.
Тоглолтын гол дүрүүдэд дараах уран бүтээлчид тоглоно.
- ОДЕТТА -Б.Саруул /СТА/
- ОДИЛЛИЯ – Б.Саруул /СТА/
- ЗИГФРИД – Д.Алтанхуяг /МУГЖ/
- РОТБАРТ – А.Өлзий-Орших /СТА/
- ХАТАН ХААН – Ц.Жаргалан /СТА/
- САЛБАДАЙ – Т.Хан-Очир
- ПА ДЕ ТРУА – Г.Цолмон /МУГЖ/, О.Анужин, А.Билгүдэ
- Жижиг хунгууд- Г.Цолмон /МУГЖ/, Б.Алтаннамар, О.Анужин, Ж.Ханбулнай
- Том Хунгууд – Г.Батчимэг /СТА/, Б.Энхтуул /СТА/, У.Анужин
- УДБЭТ-ын балетын жүжигчид,
- ХБК-ийн сонгодог бүжгийн ангийн оюутнууд оролцон тоглоно.
“Хунт нуур” бүжгэн жүжгийн тухай:
- Гурван бүлэг, дөрвөн үзэгдэлт балет
- Үргэлжлэх хугацаа: 2 цаг 10 минут
- Насны хязгаар 6+
- Хөгжим: П.И.Чайковский
- Удирдаач: Ж.Бүрэнбэх
- Цомнол: В.И.Бегпчев, В.Ф.Гельцер
- Балетмейстер: Б.Жамъяндагва
- Ерөнхий зураач Б.Төмөрхуяг
- Туслах найруулагч Б.Жаргал
- 1877-2-20-нд Москвагийн Их театрт анх тоглосон.
- Манай тайзнаа 1975-6-28-нд тоглогджээ.
