УИХ-ын Тамгын газрын зөвлөх, Гадаад харилцааны яамны Хөрш орнуудын газрын ажилтнууд улсын чухал нууц задруулсан хэргээр Тагнуулын байгууллагад шалгуулж байгаа тухай мэдээлэл тараад багагүй хугацаа өнгөрлөө. Хэдийгээр яам, тамгынхан ажилтнуудынхаа нэрийг нууцалж байсан ч олонд ил болж байна.
УИХ-ын Тамгын газрын Гадаад харилцаа, хамтын ажиллагааны хэлтсийн зөвлөх Ц.Жаргалсайхан, Гадаад харилцааны яамны Хөрш орнуудын газрын ажилтан Г.Байгалмаа, Г.Сувдсүрэн нар хамтран улсын маш чухал нууцыг хөрш оронд задруулснаас шалгуулж буй ажээ.
Албан бус эх сурвалжийн мэдээгээр БНХАУ-ын төрийн зөвлөлийн Ерөнхий сайдын Монголд хийсэн айлчлалын бэлтгэл ажлын хүрээнд ирсэн хүмүүст тэд айлчлалын өмнө нууц мэдээллийг цахим шуудангаар дамжуулсан байж магадгүй аж.
                                Д.ОЮУН