“Оюутолгой” компани буюу хуучнаар “Айвенхоу майнз Монголия инк” компанийнхан вэб сайтаа шинэчлэснээ зарлан шинэ сайтаа сэтгүүлчдэд танилцуулав. Тэд анх 2005 онд анх вэб сайт нээж байсан. Харин энэ удаад илүү сайжруулж байгаа аж. Эндээс Оюутолгойтой холбоотой бүх мэдээллийг тэр дундаа хүмүүсийн хамгийн их сонирхож байгаа ажлын зар ханган нийлүүлэлтийн тендер зэрэг мэдээллийг авах боломжтой юм байна. Уг сайтыг “Sodon solution” компани хийж гүйцэтгэсэн байна. “Sodon solution” нь news.mn сайтыг зохион бүтээсэн бөгөөд энэ салбарын нэр хүндтэй өндөр үнэлгээтэй компаниудын нэг юм.