Автоспортын олимп гэгддэг Дакар раллийн дөрөв дэх өдрийн гараанд манай тамирчин ОУХМ Д.Болдбаатар, Н.Лхамаа нар 74 байрт зэрэг орсон гэж тамирчдын механикийн албаны багаас “Dakar Rally Mongolia” фэйсбүүк хуудаснаа бичжээ. Дакар раллийн дөрөв дэх өдрийн гараа буюу өчигдөр болсон уралдааны дүнд манай тамирчдын талаар мэдээлэл албан ёсны сайтад ороогүй байна. Манай улсаас Дакар раллид ОУХМ Д.Болдбаатар, ОУХМ Н.Лхамаа, Спортын мастер Х.Батболд оролцож байна. Дөрвөн өдрийн дараах байдлаар нийлбэр оноогоор ОУХМ Д.Болдбаатар 81 дүгээр байр, ОУХМ  Н.Лхамаа 98 дүгээр байрт жагсч байна. Дакар раллийн тав дахь өдрийн гараа Аргентин улсын Чилиесито мужаас Тукуман хүртэл 384 км замд болно.
Тав дахь өдрийн уралдааны гараа Аргентин улсын орон нутгийн цагаар 04:45 (УБ 15:45) цагт эхэлнэ.