“Мон-Уран”-ы Б.Наранхүү гэх тодотголоор олонд танигдсан тэрээр УИХ-ын гишүүн болж, Ардчилсан намын бүлэгт нэг суудал чирч авчирсан ч хуралдаа суудаггүй гэх шүүмжлэлийг хэвлэлийнхнээс хүртэж, 2013 оны хамгийн залхуу улстөрч гишүүнээр “тодорсон” билээ. Ямар аргатайдаа л хэвлэлүүд Б.Наранхүү гишүүнийг “Хаана яваа болдоо тэр минь” гэж бичих билээ.

Тэгвэл эрхэм гишүүн шинэ он гарснаас хойш үндсэн ажилдаа нилээд шамдахаар шийдсэн бололтой. УИХ-ын Төрийн байгуулалтын байнгын хорооны өнөөдрийн хуралдаанд идэвхитэй сууж, УИХ дахь Ардчилсан намын бүлгийн гишүүдийг гийгүүлэв. 

Одоо УИХ-ын Хууль зүйн байнгын хорооны дарга Ш.Түвдэндорж ажлаа тасалдаггүй болчихвол ч олонхийн бүлгийнхэн нэг, хоёрхон “хүнд” нөхдөөс болж дандаа муу нэр дуулж, цөөнхдөө чичлүүлдэг нь багасах байлгүй.