Монголбанк өнөөдөр /2014.01.07/ хувиар ёсоор гадаад валютын дуудлага худалдааг зохион байгууллаа.

Дуудлага худалдаагаар арилжааны банкууд ам.доллар, юань худалдан авах санал ирүүлсэн байна. Уг саналыг үндэслэн Монголбанк 12 сая ам.доллар, 60 сая юань нийлүүлжээ. Харин своп хэлцлээр 55.8 сая ам.доллар худалдан авах санал ирүүлсэн бөгөөд своп хэлцлийг 100 хувь биелүүлжээ.

Гадаад валютын дуудлага худалдаа нь валютын дотоодын зах зээлийн үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийг тогтвортой байлгах зорилготойгоор Монголбанкнаас авч буй нэгэн арга хэмжээ ажээ. Гадаад худалдааны валют худалдааг ийнхүү долоон хоног бүрийн мягмар, пүрэв гарагт зохион байгуулдаг бөгөөд үүнд зөвхөн Монгол Улсад банкны үйл ажиллагаа эрхэлдэг банкууд оролцдог байна.