Хөдөө аж ахуйн их сургууль Боловсрол,
шинжлэх ухааны яамны санхүүжилтээр “Хатан туул” оюутан театртай болжээ.
Театрын нээлтэд ХААИС-ийн удирдлагууд, Монголын оюутны холбооны
ерөнхийлөгч Х.Батсайхан, тус сургуулийн үе үе төгсөгчид, уран
бүтээлчдийн төлөөлөл оролцсон байна. Оюутныг хөгжүүлэх зорилгоор
байгуулсан уг театрын  гэрэлтүүлэг, тайз, тоног төхөөрөмж нь мэргэжлийн
орчин үеийн театрын шаардлагыг бүрэн хангасан ажээ. Театрын нэрийг
сургуулийн нэр хүндийг өргөж байдаг бүжгийн хамтлагийнхаа нэрээр ийнхүү “Хатан туул” гэж нэрлэжээ.

Түүнчлэн ХААИС мультимедиа студитай
болсон бөгөөд энэ нь бүхий л төрлийн фото болон видео бичлэгийн эвлүүлэг
хийхээс гадна багш нарт орчин үеийн арга барилаар хичээл заах боломжийг
бүрдүүлж буй ажээ.