Хүнсний гол нэрийн барааны үнэ энэ долоон хоногт өмнөх долоон хоногийнхтой харьцуулахад 0.9 хувиар өссөн талаар Үндэсний статистикийн хорооноос мэдээллээ. Махны үнэ өмнөх долоон хоногийнхоос  үхэр, хонины ястай махны үнэ 2.1 хувь, үхрийн цул мах 2.7 хувь, адууны мах 2.5 хувь, ямааны махны үнэ 4.2 хувиар тус тус өссөн байна. Үнийн хувьд, нэг кг хонины ястай мах 7410 төгрөг, хонины цул мах 7100 төгрөг, үхрийн ястай мах 8010 төгрөг, үхрийн цул мах 9590 төгрөг, адууны мах 6560 төгрөг, ямааны мах 5600 төгрөгийн үнэтэй байна.

Дээдийн дээд гурилын үнэ өмнөх сарынхаас 3.4 хувь, дээд зэргийн савласан гурилын үнэ 6.5 хувь, нэгдүгээр зэргийн задгай гурил 3.4 хувиар өсчээ.