Мэргэжлийн сумо бөхийн дээд зиндааны бөхчүүд жин, өндрөө хэмжүүлжээ. Бөхчүүдийн жин болон өндрийг нэг, тав, есдүгээр сарын башё бүрийн өмнө ингэж хэмждэг байна.

Дээд зиндааны хамгийн хүнд жинтэй бөх нь 201 кг жинтэй Саданофүжи байсан бол түүнтэй жингээрээ “өрсөлдөгч”-дийн нэг Гүржийн Гагамару 199 кг хүртэл турж, Болгарын Аоияма 195 кг хүртэл жин нэмсэн байв.  Харин макүүчи зиндааны хамгийн хөнгөн жинтэй бөх нь Сатояма /123 кг/ болжээ.

Ёкозуна Хакухогийн хувьд сүүлийн дөрвөн сарын хугацаанд долоон кг-аар жин нь нэмэгдсэн бол ёкозуна Харумафүжи хоёр кг хасчээ. Тодруулбал, Хакухо аваргын биеийн жин 158 кг, Харумафүжи 133 кг, Кисеносато 172 кг байгаа аж.