Чойбалсан хотод сүүлийн жилүүдэд орон сууцны хэд хэдэн бичил хороолол, барилгууд сүндэрлэн босоод байгаа.

Засгийн газрын 100 мянган орон сууц хөтөлбөрийн хүрээнд цаашид ч орон сууцны барилгууд нэмэгдэж баригдсаар байх төлөвтөй. Шинэ байрны нийлүүлэлт нэмэгдэхийн зэргэцээ хуучин орон сууцнуудын эрэлт ч буурахгүй байгаа юм.

Бид энэ удаа Чойбалсан хотын хуучин орон сууцны зах зээлийн үнэ ханшийг баг тус бүрээр нь ангилан танилцуулж байна.

Баг	Орон сууцны хороолол	1 ӨРӨӨ	2 ӨРӨӨ	3 ӨРӨӨ
1	Бунхан	23-25 сая	27-33 сая	47-50 сая
6	19-25-р байр	40-42 сая	60-62 сая	71-75 сая
	Уурхайн байр, Сүхжин	33-36 сая	45-50 сая	55-60 сая
7	10 мянгат	40-43 сая	65-69 сая	75-80 сая
	Бумбат	35-40 сая	47-48 сая	61-65 сая
8	Төмөр зам	20-24 сая	27-30 сая	38-40 сая
9	1-11-р байр	35-39 сая	50-52 сая	68-72 сая
	12-17-р байр	37-40 сая	62-65 сая	72-75 сая
10	26,27, 49-р байр	38-40 сая	55-62 сая	65-70 сая

Хэрлэн сумын 7-р баг буюу “Арван мянгат” хорооллын орон сууцнууд зах зээл дээр хамгийн өндөр үнээр худалдаалагдаж байна. Түүнчлэн 1980-аад оноос хойш баригдсан тоосгон барилгуудын үнэ ханш угсармалаасаа бага зэрэг өндөр байгаа юм.

Иргэдийн дунд хоёр өрөө байрны эрэлт хамгийн их байдаг. Тэгвэл Арван мянгатын 2 өрөө байр хамгийн үнэтэй нь буюу 65-69 сая төгрөг хүрч байна. Харин Төмөр замд 30 сая орчим төгрөгийн үнэтэй байгаа ажээ.