Энэ тухай Оросын Холбооны аюулгүй байдлын албаны тэргүүн Александр Бортников Ерөнхийлөгч Д.Медведевт илтгэсэн байна. Ваххабизмын үзэл сурталч Саид Бурятскийг Ингушетын Экажева тосгонд явуулсан тусгай ажиллагааны явцад устгажээ. Саид Бурятскийг устгасан тухай дөрөвний өдөр тодорхой болсон юм. Устгагдсан нэгэн дайчнаас Александр Тихомиров гэсэн нэртэй биеийн байцаалт олдсон байна. Түүний цогцост толгой нь танигдах аргагүй болсон учир түүнийг таних ажиллагаа олон хоног үргэлжилнэ гэсэн  төсөөлөл байлаа. Түүнийг устгахаас өмнө нэгэн дайчин нь тэд гарах гарцгүй болсон учир салах ёслол хийж буй бичлэгийг гар утсандаа хийсэн байв. Саид Бурятский нь өөрөө аллагад оролцдоггүй ч олон тооны террорын хэргийг зохион байгуулсан байв. Түүний тоонд “Невсдий экспресс” галт тэргийг дэлбэлсэн хэрэг орж байна. Ваххабистуудыг устгасан газраас уг галт тэргийг дэлбэлсэн бодистой адил тэсрэх бодис олдсон байна.
Схйд Бурятский Хойд Кавказын хэт даврагчдын лидерүүдийн нэг. Дээрэмчдын гол үзэл сурталч гэж түүнийг Чеченийн Ерөнхийлөгч Рамзан Кадыров нэрлэж байв. Жинхэнэ нэр нь Тихомиров. Тэрээр 1982 онд Бурятад төрсөн ба 15 настайдаа лалын шашинд орж Абу Саад Саид аль-Бурьяти нэр авсан байна. Гадаадад шашны сургуульд суралцан төгсөөд Орост ирэн шашны номнол уншдаг байв. Тэрээр лалын шашин үүссэн эхний арван жилийн цэвэр исламын дээдэлсэн “салафии” гэдэг урсгалыг баригч. Тэрээр лалын шаинд орохоосоо өмнө эцэг шигээ буддист, эх шигээ христийн шашинд байсан гэж Кадыров хэлж байв. 2009 оны наймдугаар сард Назранийн цагдаагийн газрыг дэлбэлсэн хэргийг зохион байгуултлаа тэрээр Чечень, Ингушитид нэрд гараагүй байв. Тэрээр үүнээс өмнө интернэтээр лалаас бусад шашинг муулсан мэдээлэл цацдаг байсан юм. Тэр олон тооны томоохон террорыг зохион байгуулсаны тоонд Ингушетийн Ерөнхийлөгч Юнус-Бек Евкуровын амь насанд халдсан мөн Оросын хурдан галт тэргийг дэлбэлсэн нь орж байна. Москва хотын өдрөөр тэр террор зохион байгуулахаар оролдсоныг хууль хяналтынхан илрүүлж чаджээ.