TV9 телевиз, “Зууны мэдээ” сониноос хамтран зохион байгуулдаг “Энэ цагийн эгэл баатар” шалгаруулалт үргэлжилж байгаа ажээ. Уг шалгаруулалтад Төв аймгийн Заамар сумын нутагт алтны далд уурхайд хууль бусаар алт олборлож байгаад угаартаж, үхлийн аюултай байдалд ороод байсан 13 хүний амь насыг аварсан Д.Баасандорж нэр дэвшиж байгаа аж.

Бусдын төлөө өөрийнхөө амь насыг үл хайрлан 13 хүний амийг аварсан түүнд Монгол Улсын Ерөнхийлөгчийн зарлигаар “Шударга журам” медаль хүртээснийг баяр наадмын өмнөхөн гардуулж байсан билээ.

Дашрамд мэдээлэхэд, бусдын сайн сайхны төлөө  хийсэн ажилтай, бүтээлтэй сайн үйлстэй эрхмүүдийг тодруулан алдаршуулдаг “Энэ цагийн эгэл баатар” шалгаруулалтад нэр дэвшигчдийг арванхоёрдугаар сарын 23 хүртэл “Зууны мэдээ” сонины байранд хүлээж авах ажээ.