УИХ-ын гишүүн Р.Амаржаргал өнөөдөр Улсын дээд шүүхэд хандахаар болсон тухай мэдээлэл өнөөдөр мэдээллийн хэрэгслээр тарсан билээ. Тэгвэл Р.Амаржаргал гишүүн Улсын дээд шүүхэд хандаагүй хэмээн тайлбар өглөө.

Түүнийг УИХ өөрийнх нь эрхийг зөрчиж, албадан хөдөлмөр эрхлүүлж байна хэмээн шүүхэд хандсан гэсэн мэдээлэл зарим хэвлэлд гарсан бөгөөд энэ асуудлыг гишүүн өөрөө үгүйсгэв.

УИХ-ын гишүүн Р.Амаржаргал УИХ-ын гишүүний бүрэн эрхээсээ татгалзах хүсэлтээ гаргасан боловч УИХ-ын чуулганы хуралдаанаар эл асуудлыг хэлэлцээд, түүний гишүүний бүрэн эрхийг чөлөөлөх шаардлагагүй гэж үзсэн юм.